काठमाडौं– नेपाली कांँग्रेसको सिन्धुपाल्चोक जिल्ला सभापतिका लागि दोस्रो चरणको मतदान हुने भएको छ।
शनिबार राति सम्पन्न मतगणनामा सभापतिका तीन जना उम्मेदवारमध्ये कसैले पनि ५१ प्रतिशत कटाउन नसकेपछि आइतबार पुनः मतदान हुन लागेको हो।
पहिलो चरणको मतदानमा कुल खसेको १८६७ मतमध्ये कसैले पनि ५१ प्रतिशत मत ल्याएनन्। पहिलो चरणमा सभापतिका प्रत्यासी जंगबहादुर तामाङले ७ सय ५९, वंशलाल तामाङले ६ सय २९ र प्रेमध्वज लामाले ४ सय ९३ मतमात्र प्राप्त गरे।
अब जंगबहादुर र वंशलालबीच दोस्रो चरणमा प्रतिस्पर्धा हुने भएको छ। कांँग्रेस जिल्ला निर्वाचन अधिकृत वेदबहादुर महतका अनुसार आज पुनः मतदानका लागि तयारी भइरहेको छ।
