काठमाडौं– सरकारी पम्पले मात्रै इन्धन बिक्री गरेपछि काठमाडौं उपत्यकाका पेट्रोल पम्पहरुमा आज पनि लामो लाइन लागेको छ।
आयल निगमसँगको वार्तामा हिजो पेट्रोलियम व्यवसायीहरुले डिपोबाट तेल उठाउने र आजबाट बिक्री गर्ने सहमति गरेका थिए। तर,
ट्यांकर चालकहरुले आफ्ना माग अगाडि सार्दै ढुवानीमा अवरोध गरेपछि डिपोबाट पम्पहरुमा तेल आउन सकेको छैन। साझा, प्रहरी र सेनाका पम्पहरुमा भने इन्धन ढुवानी भएको छ।
