तनहुँ, नेपाली कांँग्रेसको पाँच बर्से कारबाहीमा रहेका पूर्वसहमहामन्त्री गोविन्दराज जोशी समूहले तनहुँमा आसन्न स्थानीय चुनावमा नेकपा एमालेसँग तालमेल गर्ने भएको छ ।
दीपकराज जोशी व्यास नगरपालिकाको प्रमुख पदमा उठ्ने भएपछि जोशी समूहले चुनावमा एमालेसँग तालमेल गर्ने भएको हो । दीपकराज गोविन्दका छोरासमेत हुन् ।
उनले प्रमुख उठ्न चुनावी प्रचारलाई तीव्र बनाएका छन् । साथै, जोशीले सम्पर्क कार्यालयसमेत खोलेका छन् । शनिबार भएको छलफलमा जोशी समूह र एमालेबाट चार/चार जना रहने चुनावी परिचालन समिति गठन गर्ने निर्णय भएको थियो । बैठक जोशी निवासमा बसेको थियो ।
एमालेसँग सबै पालिकाका प्रमुख, उपप्रमुखलगायत पदहरूमा साझा उम्मेदवारी दिने सहमति भएको दीपकराजले बताए ।
