दमक, १५ फागुन । झापाको दमकमा नवौँ दमक फुड फेस्टिवल-२०७९ को छैटौं दिन अर्थात भोली फागुन १६ गते मंगलबार चर्चित गायिका एलिना चौहानको प्रस्तुति रहने भएको छ ।
बेलुका ८ः३० बजेदेखि प्रस्तुत हुने गायिका एलिना चौहानले आफ्ना चर्चित गीतमार्फत मनोरञ्जन गराउने छिन् । चौहानसँगै स्थानीय कलाकार र साङ्गीतिक समूहको पनि विशेष प्रस्तुति रहने फुड फेस्टिवलका सदस्य काजी राउतले जानकारी दिए ।
होटल व्यवसायी संघको आयोजनमा फागुन ११ बाट दमकको पशुहाटमा सुरु भएको फुड फेस्टिवल फागुन १९ गतेसम्म जारी रहनेछ ।
