जनकपुर , केही दिनअघि मात्र नेकपा एमालेमा प्रवेश गरेका जनकपुरधाम उपमहानगरपालिका–२ का निवर्तमान वडाध्यक्ष शिवकुमार साह (शिवु) नेपाली कांँग्रेसमा प्रवेश गरेका छन् । शनिबार नेपाली कांँग्रेसका जिल्ला सभापति योगेन्द्र पजियारले साहलाई पार्टी प्रवेश गराएका हुन् ।
साह आफ्ना केही समर्थकसहित शनिबार एमाले परित्याग गरी नेपाली कांँग्रेसमा प्रवेश गरेका छन् । उनी करिव एक हप्ता अगाडि एमालेमा प्रवेश गरेका थिए ।
पार्टी प्रवेश गरेपश्चात् सञ्चारकर्मीसँग संक्षिप्त कुराकानी गर्दै साहले आफू दबावमा आएर केही दिनअघि मात्र एमाले प्रवेश गरेको बताए । उनले आफू पुनः आफ्नो पुरानो घरमा फर्केको प्रतिक्रिया दिए ।
उनले भने, ‘कांँग्रेसलाई सवल र एकजुट भई अगाडि बढाउने उद्देश्यका साथ म पुनः आफ्नो पुरानो घरमा फर्किएको छु । अब यसलाई नै अगाडि बढाउने छु ।’
पार्टीका जिल्ला सभापति योगेन्द्र पजियारले आसन्न निर्वाचनमा जनकपुरधाम उपमहानगरपालिकामा उपमेयरसहित अधिकांश वडामा कांँग्रेसका उम्मेदवारहरू जित्ने दाबी गरे । उनले आगामी दिनमा नेपाली कांँग्रेसकै नेतृत्वमा सरकार निर्माण हुनेसमेत उनले दाबी गरे ।
साहलाई पार्टी प्रवेश गराउन कांँग्रेसका क्षेत्रीय सभापति, जिल्ला सभापति, नगर उपसभापतिलगायतका नेताहरुले पहल गरेका थिए ।
