एजेन्सी, जर्मन बुन्डेस लिगामा लिग लिडर बायर्न म्युनिखले सहज जीत निकालेको छ । गएराति सम्पन्न खेदमा उसले घरेलु टोली अर्मिनिया बेलिफिल्डविरुद्ध ३–० को जीत निकालेको हो ।
खेलको दशौँ मिनेटमा ज्याकोब लाउरसेनको आत्मघाती गोलमार्फत बायर्नले अग्रता लिएको थियो । पहिलो हाफको थप गरिएको समयमा सेर्जी जिनाब्रीले बायर्नको अग्रता दोब्बर बनाए ।
८४ औं मिनेटमा जमल मुसियालाले गोल गर्दै बायर्नलाई ३–० को जीत सहज दिलाए । जीतसँगै शीर्ष स्थानको बायर्नले ३० खेलमा ७२ अंक जोड्दा पराजित अर्मिनिया समान खेलबाट २६ अंकका साथ १७ औं स्थानमा छ ।
लिग अन्तर्गत कै अन्य खेलमा युनियन बर्लिनले फ्रान्कफुर्टमाथि २–० तथा लाइप्जिग लिभरकुसेनमाथि १–० को जीत निकाल्दा होफिनहेमले ग्रेउथर फुर्थसँग गोलरहित बराबरी खेल्यो ।
