भक्तपुर, भक्तपुरमा एक महिलामाथि हानिकारक रसायन प्रहार भएको छ । प्रहरीका अनुसार सूर्यविनायक–४, गाम्छा की ६० वर्षीया पूजा गुभाजुमाथि आइतबार साँझ उनका श्रीमानले हानिकारक रसायन प्रहार गरेका हुन् ।
भक्तपुरकी प्रमुख जिल्ला अधिकारी रुद्रादेवी शर्माले घटनामाथि थप अनुसन्धान भइरहेको जानकारी दिइन् । ‘तेजाब हो की अन्य केमिकल अनुसन्धान भइरहेको छ,’ प्रजिअ शर्माले भनिन् ।
प्रहरीका अनुसार घाइतेलाई छुरासमेत प्रहार भएको छ । गम्भीर घाइते गुभाजुको कीर्तिपुर अस्पतालमा उपचार भइरहेको छ ।
घटनामा संलग्न श्याम गुभाजुलाई प्रहरीले पक्राउ गरिसकेको छ । घरायसी विवादका कारण श्यामले पत्नीलाई रसायन प्रहार आफन्तले बताएका छन् ।
