काठमाडौं– राप्रपाका महामन्त्री धवलशमशेर राणाले नेकपा एमालेका अध्यक्ष केपी ओलीलाई भेटेका छन् ।
नेपालगञ्जमा बिहीबार बेलुका अध्यक्ष ओली र महामन्त्री राणाबीच भेटवार्ता भएको राप्रपा प्रवक्ता मोहन श्रेष्ठले जानकारी दिएका छन्।
कर्णाली प्रदेशका पहाडी जिल्लाहरुमा पार्टी कार्यक्रममा पुगेका ओली बिहीबार नेपालगञ्ज बसेका थिए।
त्यहाँ उनको र राप्रपाका महामन्त्रीबीच भेटवार्ता भएको हो। भेटवार्तामा स्थानीय तहको निर्वाचन र समसामयिक राजनीतिक विषयमा छलफल भएको प्रवक्ता श्रेष्ठले जानकारी दिए।
बैशाख ३० गते हुने स्थानीय तहको निर्वाचनमा तालमेल गरेर जाने विषयमा पनि छलफल भएको छ। राणा नेपालगञ्ज उपमहानगरपालिकाका प्रमुलसमेत हुन्।
