दमक : झापाको दमकमा आयोजित सातौ दमक फुड फेस्टिवल २०७७ सम्पन्न भएको छ ।
होटल व्यवसायी संघ दमकको आयोजनामा फागुन २३ देखि फागुन २९ गतेसम्म दमकको पशुहाटमा फुड फेस्टिबल आयोजना गरिएको थियो ।
सो फेस्टिबलमा करिब एक लाख अवलोकनकर्ताहरुले अवलोकन गरेको र करिब ५० लाख बराबरको व्यवसायिक कारोबार भएको प्रचारप्रसार संयोजक काजी राउतले बताए ।
दमक क्षेत्रको आर्थिक , सामजिक तथा साँस्कृतिक बिकासका लागि आन्तरिक , धार्मिक, पर्यटकीय तथा स्थानीय जनजातिका परिकारको प्रचारप्रसार गरि दमक क्षेत्रलाई आन्तरिक पर्यटन भित्र्याउने लक्ष्यको साथ कार्यक्रम आयोजना गरिएको कार्यक्रम संयोजक भुपेन्द्र प्रसाद न्यौपानेले जानकारी दिए ।
फेष्टिबलमा स्थानीय तथा राष्ट्रिय कलाकारहरुले दैनिक प्रस्तुति दिएका थिए ।
कार्यक्रम समापनको अवसरमा पत्रकार टीकाराम उप्रेतीलाई दमक पर्यटन पत्रकारिता पुरस्कार प्रदान गरियो । संघले हरेक वर्ष यो पुरस्कार प्रदान गर्दै आएको छ ।
- Advertisement -
