10.2 C
Nepal
Friday, December 2, 2022
spot_img
spot_img

साफ यु–१८ च्याम्पियनसिपः नेपालको लगातार दोस्रो पराजय

spot_img

काठमाडौ, भारतको जमसेदपुमा जारी साफ यु–१८ महिला च्याम्पियनसिपमा नेपालले लगातार दोस्रो पराजय बेहोरेको छ ।

नेपाल आज सम्पन्न खेलमा साविक विजेता बंगलादेशसँग ४–२ ले पराजित भएको हो । खेलको पहिलो मिनेटमै अफिदा खानदकेरले गोल गर्दै बंगलादेशलाई अग्रता दिलाएकी थिइन् ।

३०औँ मिनेटमा दीपा शाहीले गोल गरेपछि नेपाल १–१ को बराबरीमा आएको थियो । ३३औँ मिनेटमा अक्मिला खातुनले गोल गर्दै बगंलादेशलाई २-१ को अग्रता दिलाइन् ।

३४औँ मिनेटमा इति खातुनले गोल गरेपछि बंगलादेश ३–१ ले अघि बढ्यो । ४३औँ मिनेटमा साहदा अख्तर रिपाले गोल गर्दा बंगलादेशले पहिलो हाफमा ४–१ को आरामदायी अग्रता बनायो ।

दोस्रो हाफको थप गरिएको समयमा अमिशा कार्कीले गोल गरे पनि नेपाल ४–२ ले पराजित हुन पुग्यो ।

यो जीतसँगै सुखद् सुरूवात गरेको बंगलादेशले ३ अंक जोड्दा लगातार दोस्रो पराजय बेहोरेको नेपाल अंकविह्रीन छ ।

डबल राउन्ड रोबिनका आधारमा सञ्चालित प्रतियोगिताको पहिलो खेलमा नेपालले आयोजक भारतसँग ७–० को फराकिलो हार बेहोरेको थियो ।

तेस्रो खेलमा नेपालले चैत ६ गते भारतको सामना गर्नेछ ।

spot_img

Related Articles

LEAVE A REPLY

Please enter your comment!
Please enter your name here

Stay Connected

2,465FansLike
3,099FollowersFollow
5,099SubscribersSubscribe
- Advertisement -spot_img

Latest Articles

- Advertisement -spot_img