काठमाडौं, काठमाडौंको बौद्धमा होली खेल्ने क्रममा घरबाट खस्दा एक जना किशोरी घाइते भएकी छन् । बौद्धको दक्षिणढोकास्थित एक घरमा होली खेल्ने क्रममा खस्दा सिन्धुपाल्चोक घर भएकी विनिता चौलागाईं गम्भीर घाइते भएकी हुन् ।
महानगरीय प्रहरी परिसर टेकूका प्रवक्ता दिनेशराज मैनालीका अनुसार दिउँसो घरको छतबाट खस्दा फलामको बारमा खसेपछि उद्दार गरेर नेपाल मेडिकल कलेज, जोरपाटी उपचार भइरहेको छ ।
उनका अनुसार कक्षा ११ मा अध्ययरत चौलागाईं र दाइ बौद्धमा डेरा गरी बस्दै आएकी थिइन् । उनी आफन्तकोमा गएर होली खेल्दा छतबाट खसेकी हुन् ।
