काठमाडौं- शान्ति मिशनका लागि कंगोमा रहेका एक नेपाली सैनिकको विद्रोहीको आक्रमणमा परेर मृत्यु भएको छ।
अपरेशन बालीका क्रममा विद्रोहीले अज्ञात स्थानबाट चलाएको गोली लागेर घाइते भएका सैनिकको उपचारका क्रममा ज्यान गएको हो।
हेलिकप्टरमार्फत उपचारको लागि बुनियाँस्थित लेबल-२ अस्पतालमा लगिएका सुर्खेत, गुर्माकोट-१४ का सिपाही अनिल गुरुङको मंगलबार उपचारको क्रममा मृत्यु ज्यान गएको नेपाली सेनाले जनाएको छ।
संयुक्त राष्ट्रसंघका महासचिवका सहायक प्रवक्ताले विज्ञप्ति जारी गर्दै दिवंगत नेपाली सैनिकप्रति श्रद्धान्जली र परिवारप्रति समवेदना प्रकट गरेका छन्। नेपाली शान्ति सैनिकहरूले अपरेशन ‘बाली’ सञ्चालन गरेका थिए।