काठमाडौ, साताको अन्तिम कारोबार दिन सेयरबजारमा गिरावट आएको छ। बिहीबार नेप्से २३.९५ अंकले र सेन्सिटिभ सूचक ४.६० अंकले घटेको हो।
नेप्से २५४४.३० विन्दूमा आइपुगेको छ। आज २२८ कम्पनीको ३७ लाख ८७ हजार कित्ता सेयर बिक्री भएको छ।
दिनभरिमा ३७ हजार ४ सय २९ पटकको खरिदबिक्रीपछि १ अर्ब ८९ करोड रुपैयाँको मात्र कारोबार भएको छ। अघिल्लो दिन भने नेप्से दोहोरो अंकले बढेको थियो।
आज व्यापारबाहेक सबै समूहका सूचक घटेका छन्। आज पनि इमर्जिङ नेपाल, राष्ट्र उत्थान लघुवित्त र नेस्डोका लगानीकर्ताले १० प्रतिशत आम्दानी गरेका छन्।
आज २८ कम्पनीको सेयर बढ्दा १६४ कम्पनीको घटेको छ भने २ वटाको मूल्य उही छ। लगानीकर्ताले आज ४.७९ प्रतिशतसम्म नोक्सानी व्यहोरेका छन्।
सर्वाधिक कारोबारमा इमर्जिङ नेपाल अगाडि छ। कम्पनीको ९ करोड २३ लाखको खरिदबिक्री भएको हो।
